წითელი ზღვის თავზე, ე.წ. „მეგობრული ცეცხლის“ შედეგად აშშ-ის სამხედრო-საზღვაო ძალების ორი მფრინავი ჩამოაგდეს, - ინფორმაციას Associated Press-ი ავრცელებს.

გამოცემის ცნობით, ორივე პილოტი ცოცხალი გამოიყვანეს და ერთმა მცირე დაზიანებები მიიღო.

Associated Press-ი წერს, რომ აღნიშნული ინციდენტი ხაზს უსვამს იმას, თუ რამდენად საშიში გახდა წითელი ზღვის დერეფანი ირანის მიერ მხარდაჭერილი „ჰუსიტების“ მიერ გემებზე განხორციელებული თავდასხმების გამო, მიუხედავად იმისა, რომ აშშ-ისა და ევროპის სამხედრო კოალიციები ამ ტერიტორიაზე პატრულირებენ.

„მართვადი სარაკეტო კრეისერი USS Gettysburg შეცდომით იქნა გასროლილი მოიერიშე თვითმფრინავი F/A-18-ი ჩამოაგო“, - ნათქვამია ცენტრალური სარდლობის განცხადებაში.

მფრინავები შემთხვევით მაშინ ჩამოაგდეს, როდესაც აშშ-ის სამხედროები „ჰუსიტი“ მეამბოხეების წინააღმდეგ საჰაერო თავდასხმებს ახორციელებდნენ. აშშ-ის სამხედრო ცენტრალურ სარდლობაში არ აკონკრეტებენ, რა მისიას ასრულებდნენ ისინი, თუმცა აცხადებენ, რომ მათმა სამხედრო ხომალდებმა და თვითმფრინავებმა მანამდე „ჰუსიტების“ დრონები და ხომალდსაწინააღმდეგო ფრთოსანი რაკეტა ჩამოაგდეს.