ნიკოლ ფაშინიანი კორონავირუსის გამო დამოუკიდებელ სახელმწიფოთა თანამეგობრობის სამიტს არ დაესწრება, - ამის შესახებ ინფორმაციას სომხეთის პრემიერ-მინისტრი ავრცელებს.

„23-24 დეკემბერს იზოლირებული ვიყავი და სახლიდან ვმუშაობდი. 25 დეკემბერს ჩემი დიაგნოზი უარყოფითია და მუშაობის ჩვეულ რეჟიმს ვუბრუნდები. თუმცა, კოლეგებთან კონსულტაციების შედეგად, დამოუკიდებელ სახელმწიფოთა თანამეგობრობის (დსთ) ქვეყნების ლიდერების არაფორმალურ სამიტში, რომელიც დღეს სანქტ-პეტერბურგში იმართება, მონაწილეობას არ მივიღებ“, - წერს ნიკოლ ფაშინიანი სოციალურ ქსელში.

ამასთან, გუშინ, კრემლის პრესსპიკერმა, დიმიტრი პესკოვმა განაცხადა, რომ რუსეთის პრეზიდენტს, ვლადიმერ პუტინსა და სომხეთის პრემიერ-მინისტრს, ნიკოლ ფაშინიანს შორის ცალკე შეხვედრა დაგეგმილი არ არის.