„ევროპის უნივერსიტეტის“ მედიცინის ქართულენოვანი და ინგლისურენოვანი პროგრამის სტუდენტები გერმანიაში, „ჰაიდელბერგის საუნივერსიტეტო ჰოსპიტალში“ კლინიკურ პრაქტიკას გადიან. აღნიშნულთან დაკავშირებით ინფორმაციას „ევროპის უნივერსიტეტი“ ავრცელებს.

მათი ცნობით, კონკურსის შედეგად შერჩეული სტუდენტები „ჰაიდელბერგის საუნივერსიტეტო ჰოსპიტალში“ ზოგადი, ვისცერული და ტრანსპლანტაციური ქირურგიის დეპარტამენტში სტაჟირებას გაივლიან.

გარდა პრაქტიკისა, სტუდენტებს მასპინძელი უნივერსიტეტის პროფესორები თეორიულ ცოდნასა და საერთაშორისო გამოცდილებას გაუზიარებენ.

„სტუდენტებთან ერთად პარტნიორ უნივერსიტეტს არსებული თანამშრომლობის გასაღრმავებლად „ევროპის უნივერსიტეტის“ სიმულაციური ცენტრის ხელმძღვანელის მოადგილე თამარ ჭყოიძე ეწვია. აღსანიშნავია, რომ პროგრამის ხარჯებს სრულად ფარავს „ევროპის უნივერსიტეტი“, - აღნიშნულია ინფორმაციაში.