დონალდ ტრამპთან თანამშრომლობას ყოველთვის ვაფასებთ - შეხვედრებსა და მოლაპარაკებებს ვგეგმავთ, - ამის შესახებ უკრაინის პრეზიდენტი, ვოლოდიმირ ზელენსკი აცხადებს.

„მომავალი კვირები დიპლომატიური თვალსაზრისით, შესაძლოა, ძალიან დატვირთული იყოს და ჩვენ ყველაფერს გავაკეთებთ იმისთვის, რომ ეს დრო ეფექტური და პროდუქტიული იყოს“, - აცხადებს უკრაინის პრეზიდენტი.

მისი თქმით, აშშ-ის პრეზიდენტის, დონალდ ტრამპის ადმინისტრაციასთან შეხვედრები იგეგმება.

„დონალდ ტრამპთან თანამშრომლობას ყოველთვის ვაფასებთ. ასევე, გუნდურ დონეზე შეხვედრებსა და მოლაპარაკებებს ვგეგმავთ. უკრაინული და ამერიკული გუნდები დეტალებზე უკვე მუშაობენ“, - აღნიშნა ვოლოდიმირ ზელენსკიმ.

ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ შესაძლოა უკრაინის პრეზიდენტს, ვოლოდიმირ ზელენსკის მომავალ კვირას შეხვდეს.