ბათუმში ტაბიძის ქუჩაზე სამართალდამცავები არიან მობილიზებული. არსებული ინფორმაციით, ადგილზე სროლის ხმა იყო, შემთხვევის შედეგად ერთი ადამიანი არის დაშავებული.

კერძოდ, ადგილობრივების ინფორმაციით, ურთიერთშელაპარაკების ნიადაგზე ერთი ადამიანი დაჭრეს.

შუა ხნის მამაკაცი კი სამართალდამცავებმა ცხელ კვალზე დააკავეს.

როგორც ადგილობრივებმა “ინტერპრესნიუსს” განუცხადეს, მამაკაცებს შორის ინციდენტი ყოფით ნიადაგზე მოხდა.

ტაბიძის ქუჩა სამართალდამცავებს გადაკეტილი აქვთ, აღნიშნულ ქუჩაზე გადაადგილება შეზღუდულია. შემთხვევის ადგილზე ექსპერტ-კრიმინალისტებიც მუშაობენ.

შინაგან საქმეთა სამინისტროს ინფორმაციით, გამოძიება “სისხლის სამართლის კოდექსის” 19 - 108 -ე და 236-ე მუხლებით მიმდინარეობს.