მოსკოვში აშშ-ის ელჩი რუსეთის საგარეო საქმეთა მინისტრის მოადგილეს შეხვდა, - ამის შესახებ ინფორმაციას რუსული მედია ქვეყნის საგარეო საქმეთა სამინისტროს პრესსპიკერზე, მარია ზახაროვაზე დაყრდნობით ავრცელებს.

„რიაბკოვმა აშშ-ის ელჩთან დაგეგმილი შეხვედრა გამართა. საუბარი საზღვარგარეთ რუსული დიპლომატიური ინსტიტუტების საქმიანობას შეეხო“, - განაცხადა მარია ზახაროვამ.

რუსეთის საგარეო უწყებაში აშშ-ის ელჩის, ლინ ტრეისის ვიზიტის შესახებ მოსკოვში აშშ-ის საელჩოს ოფიციალური კომენტარი არ გაუკეთებია.