მტკიცედ ვგმობ ძალადობის ესკალაციას სირიის სანაპირო რაიონებში, სადაც მასიურად მოხდა უკანონო სიკვდილით დასჯის, მათ შორის მთელი ოჯახების, შემთხვევები, - ამის შესახებ გაერო-ს გენერალური მდივანი, ანტონიო გუტერეში სოციალურ ქსელში წერს.

„დაუყოვნებლივ უნდა შეწყდეს სისხლისღვრა. მშვიდობიანი მოსახლეობა უნდა იყოს დაცული. დამნაშავე პირებმა პასუხი უნდა აგონ“, - აცხადებს გუტერეში.

შეგახსენებთ, გაერო-ს ადამიანის უფლებათა ოფისის ინფორმაციით, სირიაში, ამ დრომდე, 111 მშვიდობიანი მოქალაქის დადასტურებული მკვლელობაა დაფიქსირებული, მაგრამ გადამოწმების პროცესი გრძელდება და დაღუპულთა რეალური რაოდენობა, სავარაუდოდ, გაცილებით მეტია.