კანადა ჩვენი 51-ე შტატი უნდა იყოს, - ამის შესახებ აშშ-ის პრეზიდენტმა, დონალდ ტრამპმა Fox News-თან ინტერვიუში განაცხადა.

„კანადა შეიარაღებული ძალებისთვის თანხას არ იხდის. ჩვენ საერთოდ არაფერს გვაძლევენ. მოლაპარაკებებისთვის ყველაზე ცუდი ხალხი არიან, თაღლითობენ. ჩვენი 51-ე შტატი უნდა იყოს, რადგან კანადის სუბსიდირებას წელიწადში 200 მილიარდი დოლარით ვახდენთ. მათი ავტომობილები, ხე-ტყე და ენერგორესურსები არ გვჭირდება“, - განაცხადა დონალდ ტრამპმა.

ამასთან, დონალდ ტრამპმა აღნიშნა, რომ მისთვის არ აქვს მნიშვნელობა იმას, თუ ვინ გაიმარჯვებს კანადის საყოველთაო არჩევნებში.

„ვფიქრობ, „ლიბერალებთან“ საქმის დაჭერა უფრო ადვილია და შესაძლოა, გაიმარჯვონ, მაგრამ არ მაინტერესებს. ჩემთვის მნიშვნელობა საერთოდ არ აქვს“, - აღნიშნა აშშ-ის პრეზიდენტმა.

ცნობისთვის, კანადაში საყოველთაო არჩევნები 20 ოქტომბრამდე უნდა ჩატარდეს.