Reuters - სტამბოლის მერის დაკავების შემდეგ თურქეთში საპროტესტო აქციები გაიმართა - სტუდენტებსა და პოლიციას შორის დაპირისპირებისას პოლიციამ რეზინის ტყვიები და ცრემლსადენი გაზი გამოიყენა
სტამბოლის მერის დაკავების შემდეგ თურქეთში საპროტესტო აქციები გაიმართა, - ამის შესახებ ინფორმაციას სააგენტო Reuters-ი ავრცელებს.
სტამბოლის მერის, ექრემ იმამოღლუს დაკავება დემონსტრანტებმა პოლიციის შტაბ-ბინასთან გააპროტესტეს. პოლიციამ შტაბ-ბინასთან მისასვლელი გზები გადაკეტა.
ასევე, საპროტესტო აქცია გამართეს სტამბოლის უნივერსიტეტის სტუდენტებმაც და უნივერსიტეტის მიერ იმამოღლუს დიპლომის ბათილად ცნობა გააპროტესტეს. უნივერსიტეტთან შეკრებილ სტუდენტებსა და პოლიციას შორის დაპირისპირება მოხდა, რა დროსაც პოლიციამ რეზინის ტყვიები და ცრემლსადენი გაზი გამოიყენა.
შეგახსენებთ, სტამბოლის მერი და თურქეთის მთავარი ოპოზიციური „რესპუბლიკური სახალხო პარტიის“ წევრი, ექრემ იმამოღლუ პოლიციამ დღეს კორუფციასთან და ტერორიზმთან სავარაუდო კავშირების შესახებ მიმდინარე გამოძიების ფარგლებში დააკავა.
