კირ სტარმერი - პოლიტიკური მომენტიდან სამხედრო დაგეგმარებაზე გადავდივართ
პოლიტიკური მომენტიდან სამხედრო დაგეგმარებაზე გადავდივართ. ამის შესახებ დიდი ბრიტანეთის პრემიერ-მინისტრმა, კირ სტარმერმა BBC-სთან საუბარში განაცხადა.
სტარმერმა კომენტარი გააკეთა 20 მარტს დიდ ბრიტანეთში დაგეგმილ შეხვედრაზე, რომელიც დახურულ კარს მიღმა ფორმატში ჩატარდება და რომელშიც მონაწილეობას “მსურველთა კოალიციის” (30-ზე მეტი ქვეყანა) მაღალი თანამდებობის სამხედროები მიიღებენ.
“რასაც დღეს ვაკეთებთ, არის გადასვლა პოლიტიკური მომენტიდან, რომელიც შაბათ-კვირას გვქონდა… სამხედრო დაგეგმარებაზე, ასე რომ, ეს ხდება დღეს შტაბ-ბინაში…
კონცეფციიდან გეგმებზე გადასვლა, კონკრეტულად იმ მხრივ, თუ როგორ დავიცავთ უკრაინაში ცას, ზღვებსა და საზღვრებს უსაფრთხოდ”, - განაცხადა სტარმერმა.
