მედია - ხარტუმში, სუდანის არმიასა და „სწრაფი მხარდაჭერის ძალებს“ შორის შეტაკებები მიმდინარეობს - არმიამ პრეზიდენტის სასახლეზე კონტროლი დაიბრუნა
სუდანის არმია აცხადებს, რომ მისი მებრძოლები დედაქალაქ ხარტუმის ცენტრში პრეზიდენტის სასახლეში შევიდნენ, - ამის შესახებ ინფორმაციას BBC-ი ავრცელებს.
გამოცემის ცნობით, ბოლო კვირების განმავლობაში არმიამ დედაქალაქში „სწრაფი მხარდაჭერის ძალების“ წინააღმდეგ ოპერაცია გააძლიერა.
BBC-ი წერს, რომ ხარტუმის დაბრუნება არმიისთვის, რომელმაც ქალაქი 2023 წელს დაკარგა, უზარმაზარი გამარჯვება და კონფლიქტში გადამწყვეტი მომენტი იქნება.
გაერო-ს ცნობით, ორწლიანმა სამოქალაქო ომმა სუდანში მსოფლიოში უდიდესი ჰუმანიტარული კრიზისი გამოიწვია. „სწრაფი მხარდაჭერის ძალები“ ქვეყნის უდიდეს ნაწილს აკონტროლებს.
