დონალდ ტრამპი - ოპერაცია დასრულებულია, პაციენტი გადარჩა და მკურნალობს

ოპერაცია დასრულებულია, პაციენტი გადარჩა, - ამის შესახებ აშშ-ის პრეზიდენტი, დონალდ ტრამპი Truth Social-ზე წერს.

„ოპერაცია დასრულებულია! პაციენტი გადარჩა და მკურნალობს. პროგნოზი ის არის, რომ პაციენტი ბევრად უფრო ძლიერი, დიდი, უკეთესი და მდგრადი იქნება, ვიდრე ოდესმე. MAGA“, - წერს აშშ-ის პრეზიდენტი.

შეგახსენებთ, დონალდ ტრამპმა აშშ-ში იმპორტირებულ თითქმის ყველა საქონელზე მინიმუმ, საბაზისო 10%-იანი ტარიფი გამოაცხადა. ტრამპის გადაწყვეტილებით, 34%-იანი ტარიფი დაუწესდება ჩინეთს, ევროკავშირს - 20%-იანი, ვიეტნამს - 46%-იანი, ტაივანს - 32%-იანი, იაპონიას - 24%-იანი, ინდოეთს - 26%-იანი, სამხრეთ კორეას - 25%-იანი, ტაილანდს - 36%-იანი, შვეიცარიას - 31%-იანი, ინდონეზიას - 32%-იანი, მალაიზიას - 24%-იანი, დიდ ბრიტანეთს - 10%-იანი, ისრაელს - 17%-იანი, სამხრეთ აფრიკას - 30%-იანი.