ნიუ-იორკში, ჰუდსონის მდინარეში ტურისტების ოჯახის ვერტმფრენის ჩამოვარდნის შედეგად ექვსი ადამიანი, მათ შორის სამი ბავშვი დაიღუპა, - ინფორმაციას BBC-ი ნიუ-იორკის მერზე, ერიკ ადამსზე დაყრდნობით ავრცელებს.

მერის თქმით, ხუთსულიანი ოჯახი ესპანეთიდან იყო, მეექვსე დაღუპული კი - პილოტია. ოთხი მათგანი დაღუპულად ადგილზე გამოცხადდა, ორი კი ადგილობრივ საავადმყოფოებში გადაიყვანის შემდეგ გარდაიცვალა.

ამასთან, გამოცემა ABC News-ს სამართალდამცავი ორგანოების წარმომადგენლებმა განუცხადეს, რომ დაღუპულია ტექნოლოგიური კომპანიის, Siemens-ის, აღმასრულებელი დირექტორი ესპანეთსა და სამხრეთ-დასავლეთ ევროპაში, ავგუსტინ ესკობარი, მისი მეუღლე, მერსე კამპრუბი მონტალი და მათი შვილები - 4, 5 და 11 წლის ბავშვები. ABC News-ს ორმა ესპანელმა ოფიციალურმა პირმა განუცხადა, რომ ოჯახი ნიუ-იორკს ბარსელონადან სტუმრობდა.

ნიუ-იორკის პოლიციის კომისარმა, ჯესიკა ტიშმა განაცხადა, რომ ჩამოვარდნის მიზეზის დასადგენად გამოძიება მიმდინარეობს.