თბილისის სახელმწიფო სამედიცინო უნივერსიტეტში, სტუდენტებისა და კურსდამთავრებულების დასაქმებისა და კარიერული განვითარების მიზნით, დასაქმების ფორუმი ჩატარდა.

დასაქმების ფორუმში სამედიცინო სექტორში მოქმედი 40-მდე კომპანია მონაწილეობდა. დამსაქმებელმა კომპანიებმა მსურველებს აქტიური ვაკანსიები და სტაჟირების პროგრამები წარუდგინეს.

დასაქმების ფორუმის ფარგლებში ჩატარდა მასტერკლასი, რომლის მთავარი თემები იყო:

რეზიუმეს შექმნა, დამსაქმებელთან კომუნიკაციის უნარ-ჩვევები, გასაუბრების ტექნიკა.

თსსუ-ში გამართული ფორუმის ფარგლებში, დამსაქმებელმა კომპანიებმა წარადგინეს მოხსენებები თემაზე: „დასაქმების ბაზარზე არსებული მოთხოვნები და გამოწვევები“.

დასაქმების ფორუმს დაესწრო თსსუ-ის რექტორი, პროფესორი ირაკლი ნატროშვილი. მან ხაზი გაუსვა დასაქმების ფორუმის მნიშვნელობას და აღნიშნა, რომ ერთ სივრცეში დამსაქმებლებისა და დასაქმების მაძიებლების შეკრება, ეს არის შესაძლებლობა ორივე მხარისთვის. ერთის მხრივ, დამსაქმებელებს აქვთ შესძლებლობა ახალი კადრები მოიძიონ, მეორე მხრივ კი, სტუდენტებს და კურსდამთავრებულებს შეუძლიათ გაეცნონ სხვადასხვა კომპანიის მოთხოვნებს, გაესაუბრონ დამსაქმებლებს პირადად და გაიგონ, რა უნარ-ჩვევები არის მნიშვნელოვანი კარიერული წარმატების მისაღწევად.

ინფორმაციას თბილისის სახელმწიფო სამედიცინო უნივერსიტეტი ავრცელებს.