ეზიდები „აიდა სარსალეს“ ზეიმობენ
რელიგიის საკითხთა სახელმწიფო სააგენტო ეზიდურ თემს ახალ წელს, „აიდა სარსალეს“ ულოცავს.
რელიგიის საკითხთა სახელმწიფო სააგენტოს ცნობით, ეზიდები „აიდა სარსალეს“ ზეიმობენ.
„აიდა სარსალე ეზიდური რელიგიური კალენდრის თანახმად, ახალი წლის დღესასწაულია, რომელსაც ახალი წლის წმინდა ოთხშაბათის დღესასწაულსაც უწოდებენ. აიდა სარსალე აყვავების, ცხოვრების განახლების უძველესი ზეიმია, რომელიც სათავეს შუამდინარეთის კულტებიდან იღებს. ეზიდებს სწამთ, რომ ამ დღეს მთავარანგელოზი ტაუსი მალაკი დაეშვება ზეციდან და აკურთხებს მიწას. ამ დღეს ყოველ ოჯახში, სამყაროს მრავალფეროვნების ნიშნად, სხვადასხვა ფერად იღებება კვერცხი“,-აღნიშნულია ინფორმაციაში.
