ომის ტყვეთა გაცვლის შედეგად უკრაინამ კიდევ 277 მებრძოლი დაიბრუნა. ამის შესახებ ინფორმაციას უკრაინის პრეზიდენტი, ვოლოდიმირ ზელენსკი ავრცელებს.

„კიდევ 277 მებრძოლი დაბრუნდა სახლში რუსეთის ტყვეობიდან.

უკრაინის შეიარაღებული ძალების, უკრაინის ეროვნული გვარდიის, ტრანსპორტის სახელმწიფო სამსახურის მებრძოლების და მესაზღვრეები. იცავდნენ მარიუპოლსა და სხვა მიმართულებებს დონეცკის ოლქში, ხერსონის, ზაპოროჟიეს, ლუგანსკის ოლქებს,” - წერს ზელენსკი.

უკრაინის პრეზიდენტი აღნიშნავს, რომ გაცვლა არაბთა გაერთიანებული საემიროების შუამავლობით შედგა და ფართომასშტაბიანი ომის დაწყებიდან უკრაინამ რუსეთის ტყვეობიდან უკვე 4,552 ადამიანი დაიბრუნა - მებრძოლები და სამოქალაქო პირები.