გრიგოლ რობაქიძის უნივერსიტეტის ფინანსური მხარდაჭერით, მედიცინის საგანმანათლებლო პროგრამის მესამე კურსის სტუდენტებმა, მიხეილ ყარმაზანაშვილმა და დავით დანელიამ, ერთი თვის განმავლობაში ნეიროქირურგიის როტაცია აშშ-ში მიჩიგანის ერთ-ერთ დიდ ჰოსპიტალში გაიარეს.

გრიგოლ რობაქიძის უნივერსიტეტის ინფორმაციით, სტუდენტებმა შეიძინეს ფასდაუდებელი კლინიკური გამოცდილება, შეისწავლეს თანამედროვე ნეიროქირურგიული ტექნოლოგიები, ცოდნა გაიღრმავეს და ნეიროქირურგიულ დისციპლინაში უნარები გაიფართოვეს.

ინფორმაციის მიხედვით, როტაციის წარმატებით დასრულების შემდეგ, სტუდენტებმა მიიღეს Dr. Zamorano-ს სარეკომენდაციო წერილები, რაც უდიდესი აღიარება და განსაკუთრებული შესაძლებლობაა მათი სამომავლო კარიერული განვითარებისთვის.