საერთაშორისო სარეიტინგო სააგენტო Fitch Ratings-მა ტერაბანკს გრძელვადიანი საკრედიტო რეიტინგი B+ მიანიჭა. სააგენტომ ბანკის პერსპექტივა სტაბილურად განსაზღვრა და რეიტინგის მინიჭების კრიტერიუმად შემდეგი მაჩვენებლები გაითვალისწინა: საკრედიტო პორტფელის ზრდა, მომგებიანობა და კაპიტალიზაცია.

შეფასება ამავდროულად ეფუძნება ბანკის სტრატეგიულ მიმართულებასაც, კერძოდ, MSME სეგმენტის დაკრედიტებას, რომელიც ტერაბანკის ერთ-ერთ მთავარ პრიორიტეტად რჩება. აღსანიშნავია ისიც, რომ ტერაბანკი მცირე და საშუალო ბიზნესის ნაწილში ბაზარზე მნიშვნელოვან წილს იკავებს.

Fitch Ratings საერთაშორისო მასშტაბით ერთ-ერთ ყველაზე გავლენიან ორგანიზაციად ითვლება საკრედიტო შეფასებების სფეროში და მისი რეიტინგები მნიშვნელოვანია როგორც ადგილობრივი, ისე უცხოელი ინვესტორებისთვის.

(R)