ედგარს რინკევიჩი ალექსანდრ ვუჩიჩისთვის ლატვიის საჰაერო სივრცის დახურვაზე - ეს გადაწყვეტილება საგარეო საქმეთა სამინისტრომ მიიღო
სერბეთის ლიდერისთვის, ალექსანდრ ვუჩიჩისთვის ლატვიის ცის დახურვის გადაწყვეტილება საგარეო საქმეთა სამინისტრომ მიიღო, - უკრაინული მედიის ცნობით, ამის შესახებ ლატვიის პრეზიდენტმა, ედგარს რინკევიჩმა ჟურნალისტებს განუცხადა.
„ეს გადაწყვეტილება საგარეო საქმეთა სამინისტრომ მიიღო. ამ გადაწყვეტილებაზე კომენტარს აკეთებს ის, ვინც მიიღო“, - აღნიშნა ედგარს რინკევიჩმა.
ცნობისთვის, გუშინ სერბულმა მედიამ გაავრცელა ინფორმაცია, რომ ლიეტუვისა და ლატვიის ხელისუფლებებმა უარი განაცხადეს მოსკოვში მიმავალი სერბეთის პრეზიდენტის, ალექსანდრ ვუჩიჩის თვითმფრინავისთვის მათი საჰაერო სივრცის გავლით ფრენის ნებართვის გაცემაზე.
