ვაშინგტონმა კარგად იცის მოსკოვის პოზიცია უკრაინის კონფლიქტის მიზეზების აღმოფხვრასთან დაკავშირებით, სხვაგვარად გრძელვადიანი მშვიდობის უზრუნველყოფა შეუძლებელია და სანქციებით მუქარა ამას ვერ შეცვლის, - ამის შესახებ რუსეთის ფედერაციის საგარეო საქმეთა მინისტრის მოადგილემ, სერგეი რიაბკოვმა TASS-თან ინტერვიუში განაცხადა.

„ვლადიმერ პუტინმა დაადასტურა კონფლიქტის ძირეული მიზეზების პოლიტიკური და დიპლომატიური ძალისხმევის ფარგლებში აღმოფხვრის აუცილებლობის ძირითადი პრინციპი. სხვაგვარად შეუძლებელია გრძელვადიანი მშვიდობის უზრუნველყოფა. კონკრეტულად, აუცილებელია გამოირიცხოს უკრაინის შეიარაღებული ძალების მიერ პაუზის გამოყენების ნებისმიერი შესაძლებლობა შესვენებისა და ძალების გადაჯგუფებისთვის. პრინციპული პოზიცია, რომელიც რუსეთის პრეზიდენტმა თითქმის ერთი წლის წინ საგარეო საქმეთა სამინისტროს ხელმძღვანელობასთან შეხვედრაზე გააჟღერა, ვაშინგტონში კარგად არის ცნობილი და სანქციებით მუქარა მას ვერ შეცვლის“, - აღნიშნა რიაბკოვმა.

მისი თქმით, აშშ-ის წინა ადმინისტრაციას ამაში დარწმუნების შესაძლებლობა ჰქონდა.

„უცნაურია, რომ „ცხელი თავები“, რომლებმაც აშშ-ის სენატში საღი აზრის ნატამალიც კი დაკარგეს, ამ რეალობას არ ითვალისწინებენ“, - აღნიშნა რუსეთის საგარეო უწყების ხელმძღვანელის მოადგილემ.