ირანმა და ისრაელმა უნდა დადონ შეთანხმება და დადებენ კიდეც, ისევე როგორც მე დავარწმუნე ინდოეთი და პაკისტანი, რომლის ლიდერებმაც შეძლეს სწრაფად მიეღოთ გადაწყვეტილება და შეწყვიტეს, - ამის შესახებ აშშ-ის პრეზიდენტი, დონალდ ტრამპი სოციალურ პლატფორმა X-ზე წერს.

„ისევე როგორც მე დავარწმუნე ინდოეთი და პაკისტანი, ამ შემთხვევაში შეერთებულ შტატებთან ვაჭრობის გამოყენებით, რომ ორ შესანიშნავ ლიდერთან მოლაპარაკებებში გონიერება, ერთიანობა და საღი აზრი შემეტანა, რომლებმაც შეძლეს სწრაფად მიეღოთ გადაწყვეტილება და შეწყვიტეს! ასევე, ჩემი პირველი ვადის განმავლობაში, სერბეთი და კოსოვო ძალიან აქტიურად უპირისპირდებოდნენ ერთმანეთს, როგორც ეს ათწლეულების განმავლობაში ხდებოდა და ეს ხანგრძლივი კონფლიქტი ომში გადასასაზრდელად მზად იყო. მე შევაჩერე ის (ბაიდენმა რამდენიმე ძალიან სულელური გადაწყვეტილებით ზიანი მიაყენა გრძელვადიან პერსპექტივებს, მაგრამ მე ისევ მოვაგვარებ მას!). კიდევ ერთი შემთხვევაა ეგვიპტე და ეთიოპია. ჩემი ჩარევის წყალობით, სულ მცირე, ახლა მშვიდობაა და ასეც დარჩება!“, - წერს ტრამპი.

მისი თქმით, ისრაელსა და ირანს შორის მშვიდობის მიღწევა მალე მოხდება.

„ასევე, მალე გვექნება მშვიდობა ისრაელსა და ირანს შორის! ახლა ბევრი ზარი ხორციელდება და შეხვედრა იმართება. ბევრს ვაკეთებ და არასდროს მიმიღია აღიარება რაიმესთვის, მაგრამ არა უშავს, ხალხი ხვდება. გავხადოთ ახლო აღმოსავლეთი კვლავ დიდებული!“- წერს ტრამპი.