ბელარუსი ოპოზიციონერი სერგეი ტიხანოვსკი ციხიდან გაათავისუფლეს.

ამის შესახებ ინფორმაციას ბელარუსული დამოუკიდებელი გამოცემა “ნაშა ნივა” ავრცელებს.

გამოცემის ცნობით, ტიხანოვსკის გათავისუფლება მინსკში აშშ-ის პრეზიდენტის სპეციალური წარმომადგენლის, კიტ კელოგის ვიზიტის შედეგად გახდა შესაძლებელი.

აღსანიშნავია, რომ მან უკვე დატოვა ბელარუსის ტერიტორია.

კიტ კელოგის მოადგილის, ჯონ კოულის ცნობით, ვიზიტის შედეგად ბელარუსის პრეზიდენტმა ჯამში 14 პოლიტპატიმარი გაათავისუფლა. კოულმა ცალკე მადლობა გადაუხადა ლიეტუვის მთავრობას "თანამშრომლობისთვისა და დახმარებისთვის".

ოპოზიციონერი პოლიტიკოსი სერგეი ტიხანოვსკი 2020 წლის საპრეზიდენტო არჩევნებამდე დააკავეს, რომელზეც ის კანდიდატად გასვლას აპირებდა.

დაპატიმრების შემდეგ კანდიდატად მისი მეუღლე, სვეტლანა ტიხანოვსკაია დარეგისტრირდა.

2021 წელს მას მკაცრი რეჟიმის კოლონიის 18 წელი მიუსაჯეს. ორ წელზე მეტია მასზე არანაირი ინფორმაცია არ არსებობდა, ვინაიდან მას სრულ იზოლაციაში ამყოფებდნენ.