უკრაინის წინააღმდეგ ომში საბრძოლველად ჩრდილოეთ კორეამ, შესაძლოა, ივლისში ან აგვისტოში რუსეთში დამატებითი ჯარები გაგზავნოს,- ამის შესახებ ინფორმაციას სამხრეთ კორეის დაზვერვის სააგენტო ავრცელებს.

სამხრეთ კორეის ეროვნული დაზვერვის სამსახური (NIS) მიიჩნევს, რომ რუსეთი შესაძლოა ივლისში ან აგვისტოში უკრაინაზე ფართომასშტაბიანი თავდასხმისთვის ემზადებოდეს, რისთვისაც მას დამატებითი შენაერთები დასჭირდება.

მათივე თქმით, ამის ვარაუდის საფუძველს ჩრდილოეთ კორეის მიერ ჯარების ახალი მობილიზაცია და რუსეთის პრეზიდენტის უსაფრთხოების მაღალი თანამდებობის პირების ფხენიანში ბოლოდროინდელი ვიზიტები აძლევთ.