რელიგიის საკითხთა სახელმწიფო სააგენტო კათოლიკურ ეკლესიას და კათოლიკეებს პეტრე-პავლობის დღესასწაულს ულოცავს.

„დღეს, 29 ივნისს, კათოლიკური ეკლესია პეტრე - პავლობას დღესასწაულობს. წმ. პეტრე და წმ. პავლე თავისი მოციქულობრივი და მოწამეობრივი ღვაწლით გამორჩეულნი არიან სხვა მოციქულთა შორის, რის გამოც ეკლესია მათ იხსენიებს, როგორც „თავთა მოციქულთა".

რელიგიის საკითხთა სახელმწიფო სააგენტო ულოცავს კათოლიკურ ეკლესიას, ყველა კათოლიკეს პეტრე-პავლობის დღესასწაულს, მშვიდობას და სიკეთეს უსურვებს მათ“,-აღნიშნულია მილოცვაში.