აშშ-ის აიდაჰოს შტატის ქალაქ კერ-დ’ალენის კენფილდის მთის ბუნებრივ ზონაში შეიარაღებულმა პირმა ცეცხლი გახსსნა, რის შედეგადაც ორი მეხანძრე დაიღუპა და ერთი დაიჭრა, - ინფორმაციას CNN-ი მეხანძრეთა საერთაშორისო ასოციაციაზე დაყრდნობით ავრცელებს.

მათივე ინფორმაციით, მეხანძრეებს ცეცხლი მაშინ გაუხსნეს, როდესაც ისინი ბუჩქნარში გაჩენილი ხანძრის ჩაქრობას ცდილობდნენ.

ადგილობრივი შერიფის, რობერტ ნორისის თქმით, სულ მცირე ერთი ადამიანი სამართალდამცავი ორგანოების წარმომადგენლების მიმართულებით სროლას აგრძელებს. მისივე თქმით, ხანძარი, რომელზეც მეხანძრეები რეაგირებდნენ, გრძელდება. სახანძრო სამსახურის ხელმძღვანელმა განაცხადა, რომ ხანძრის ჩასაქრობად არანაირ რესურსს არ მიმართავენ, სანამ საფრთხე არ აღმოიფხვრება.