6 ივლისის ღამეს რუსმა ოკუპანტებმა უკრაინას დრონებით შეუტიეს, მტრის ძირითად სამიზნეს ზაპოროჟიე და კიევის ოლქი წარმოადგენდა, - ინფორმაციას უკრაინული მედია ავრცელებს.

ზაპოროჟიეს საოლქო-სამხედრო ადმინისტრაციის ხელმძღვანელის, ივან ფედოროვის განცხადებით, თავდასხმის შედეგად დაზიანდა საწყობები და სასოფლო-სამეურნეო ტექნიკა. ნაწილობრივ დაინგრა კერძო საწარმოს შენობა.

ფედოროვის თქმით, ერთ-ერთი დარტყმა სოფელ იურკოვკაში განხორციელდა, სადაც საცხოვრებელი სახლი დაზიანდა და 89 წლის ქალი დაშავდა.

ამასთან, კიევის საოლქო-სახელმწიფო ადმინისტრაციის ხელმძღვანელმა, ნიკოლა კალაშნიკმა განაცხადა, რომ ვიშგოროდის რაიონში მტრის უპილოტო საფრენი აპარატის თავდასხმის შედეგად სამი ადამიანი დაშავდა.

მისივე განცხადებით, დაბომბვის შედეგად დაზიანდა ორი მრავალსართულიანი შენობა, განადგურდა ოთხი ავტოფარეხი და დაზიანდა რამდენიმე ავტომობილი.