ვენესუელამ 10 ამერიკელი პატიმარი გაათავისუფლა, - ამის შესახებ ინფორმაციას სააგენტო Reuters-ი ოფიციალურ პირებზე დაყრდნობით ავრცელებს.

Reuters-ის ცნობით, აშშ-სა და ვენესუელას შორის პატიმრების გაცვლა შედგა, რომლის ფარგლებშიც აშშ-მა სალვადორში დეპორტირებული 200-ზე მეტი ვენესუელის მოქალაქე კარაკასში გაგზავნა, ხოლო სანაცვლოდ ვენესუელამ 10 ამერიკელი პატიმარი გაათავისუფლა.

„ვენესუელაში დაკავებული 10 ამერიკელი თავისუფალია“, - განაცხადა აშშ-ის სახელმწიფო მდივანმა, მარკო რუბიომ და სალვადორის პრეზიდენტს, ნაიიბ ბუკელეს დახმარებისთვის მადლობა გადაუხადა.

ვენესუელის მთავრობამ სალვადორიდან 252 ვენესუელის მოქალაქის გათავისუფლება დაადასტურა.