ინდონეზია მზადყოფნას გამოთქვამს, 2 000 დაჭრილი პალესტინელი მიიღოს.

როგორც Reuters წერს, ინდონეზია ამჟამად დაუსახლებელ კუნძულ გალანგზე სამედიცინო დაწესებულების ინფრასტრუქტურას ამზადებს, რათა ღაზიდან დაახლოებით 2000 დაჭრილ ადამიანს უმკურნალოს.

როგორც ინდონეზიის ხელისუფლება ხაზგასმით აცხადებს, აღნიშნული პირები მკურნალობის შემდეგ, უკან, სამშობლოში დაბრუნდებიან.

ცნობისთვის, ინდონეზიის მოსახლეობის უმეტესობა ისლამის მიმდევარია. მას შემდეგ, რაც ისრაელისა და „ჰამასის“ ომი დაიწყო, ინდონეზიამ ღაზის სექტორში ჰუმანიტარული დახმარება არაერთხელ გაგზავნა.