საფრანგეთის პრეზიდენტის ადმინისტრაცია - ევროპელები და აშშ განახორციელებენ კოორდინაციას იმ მიზნით, რომ მიაღწიონ სამართლიან და ხანგრძლივ მშვიდობას, რომელიც დაიცავს უკრაინის სასიცოცხლო ინტერესებს და ევროპის უსაფრთხოებას
საფრანგეთის პრეზიდენტი, ემანუელ მაკრონი აცხადებს, რომ ორშაბათს, სხვა ევროპელ ლიდერებთან ერთად, ვაშინგტონში აშშ-სა და უკრაინის პრეზიდენტების, დონალდ ტრამპისა და ვოლოდიმირ ზელენსკის შეხვედრას შეუერთდება.
„ევროპელები და შეერთებული შტატები განახორციელებენ კოორდინაციას იმ მიზნით, რომ მიაღწიონ სამართლიან და ხანგრძლივ მშვიდობას, რომელიც დაიცავს უკრაინის სასიცოცხლო ინტერესებს და ევროპის უსაფრთხოებას“, - აღნიშნულია საფრანგეთის პრეზიდენტის ადმინისტრაციის მიერ გავრცელებულ განცხადებაში.
ცნობისთვის, მანამდე, ევროკომისიის პრეზიდენტმა, ურსულა ფონ დერ ლაიენმა, გერმანიის კანცლერმა, ფრიდრიხ მერცმა და ფინეთის პრეზიდენტმა, ალექსანდრ სტუბმა განაცხადეს, რომ ვაშინგტონში ჩავლენ და დონალდ ტრამპსა და ვოლოდიმირ ზელენსკის შორის დაგეგმილ შეხვედრას დაესწრებიან.
