წინასწარი მონაცემებით, ნორვეგიის საპარლამენტო არჩევნებში მმართველი „ლეიბორისტული პარტია“ ლიდერობს, - ამის შესახებ ინფორმაციას Reuters-ი ავრცელებს.

წინასწარი შედეგების თანახმად, ნორვეგიის მოქმედი პრემიერ-მინისტრის, იონას გარ სტორეს „ლეიბორისტული პარტია“ ხელისუფლებაში დარჩება.

კერძოდ, სტორეს მემარცხენე ბლოკი 169 ადგილიან პარლამენტში 87 ადგილს მოიპოვებს, ხოლო მემარჯვენე ოპოზიციური პარტიები, რომელსაც ყოფილი პრემიერ-მინისტრი, ერნა სოლბერგი ხელმძღვანელობს, 82 ადგილს დაიკავებენ.

ნორვეგიის პარლამენტში უმრაველობის მოსაპოვებლად 85 მანდატია საჭირო.