ევროპული პოლიტიკური გაერთიანების შეხვედრა ევროპისთვის მნიშვნელოვან თემებს ეთმობა - აქ კიდევ ერთხელ გამოჩნდა, თუ რამდენად მნიშვნელოვანია რეგიონის და ჩვენი ქვეყნის როლი სწორედ დაკავშირებადობისა და ეკონომიკური უსაფრთხოების უზრუნველყოფის კონტექსტში, - ამის შესახებ საგარეო საქმეთა მინისტრმა მაკა ბოჭორიშვილმა ჟურნალისტებს განუცხადა.

“მნიშვნელოვანია, რომ ერთ-ერთი პანელური დისკუსია დაკავშირებადობაზე იყო, სადაც მონაწილეობა პრემიერ-მინისტრმა მიიღო. ეს იმას ნიშნავს, რომ ევროპისთვის ეს არის ძალიან მნიშვნელოვანი თემა როგორც უსაფრთხოების კონტექსტში, ასევე ეკონომიკური განვითარების კონტექსტში“, - განაცხადა მაკა ბოჭორიშვილმა.

დღეს, ერევანში “ევროპის პოლიტიკური საზოგადოების“ (EPC) სამიტი გაიხსნა. სამიტში ევროკავშირის ხელმძღვანელი პირები, ევროკავშირის წევრი და რეგიონის ქვეყნების, ასევე დიდი ბრიტანეთისა და კანადის ლიდერები მონაწილეობენ.