რუსეთი ომზე დაახლოებით 340 მილიარდ ევროს ხარჯავს, უკრაინა - 140 მილიარდ ევროს. ამის შესახებ უკრაინის პრეზიდენტმა, ვოლოდიმირ ზელენსკიმ კიევში “მსურველთა კოალიციის” სხდომაზე განაცხადა.

“ამიტომ, თუ გვინდა ამ ომის რუსეთში დაბრუნება და მათთვის ნამდვილად მტკივნეული გავხდეთ, რათა მათი საზოგადოება გრძნობდეს და ახდენდეს ზეწოლას პუტინზე, ვფიქრობ, ეს ერთ-ერთი ინსტრუმენტია, როგორ ვუბიძგოთ პუტინს მოლაპარაკებებისკენ. ამიტომ გვჭირდება [დრონების] იგივე რაოდენობა, და არა ფული, ვინაიდან, მათ დღეს ორჯერ მეტი ფული აქვთ. ისინი კიდევ უფრო მეტს ხარჯავენ ომზე - დაახლოებით 340 მილიარდ ევროს”, - განაცხადა ზელენსკიმ.

მან ასევე აღნიშნა, რომ უკრაინა ომზე 140 მილიარდ ევროს ხარჯავს, ამიტომ საჭიროა, რომ უკრაინა კონკურენტუნარიანი იყოს შორი დარტყმების რაოდენობის მხრივ.