მამუკა ღლონტის ადვოკატი ბიძინა ივანიშვილის, ვანო ჩხარტიშვილის და გია ხუხაშვილის დაკითხვას მოითხოვს

ტელეკომპანია ”მაესტროს” დამფუძნებლის მამუკა ღლონტის ადვოკატი დღევანდელ პროცესზე ბიძინა ივანიშვილის, ვანო ჩხარტიშვილისა და გია ხუხაშვილის დაკითხვის შუამდგომლობას ოფიციალურად დააყენებს. ამის შესახებ ”ინტერპრესნიუსს” მამუკა ღლონტის ადვოკატმა პაატა კიკვიძემ განუცხადა.

კიკვიძის თქმით, მას შუამდგომლობა უკვე მზად აქვს და ”მაესტროს” წილების გასხვისებასთან დაკავშირებით, თბილისის საქალაქო სასამართლოში გასამართ დღევანდელ პროცესზე დააყენებს, რომელიც 13:00 საათზეა ჩანიშნული.

”სიმართლე რომ გითხრათ, იმედი არ გვაქვს, რომ სასამართლო ამ შუამდგომლობას დააკმაყოფილებს, განვითარებული მოვლენებიდან გამომდინარე. ჩვენ მათ დაკითხვას ვითხოვთ, რათა დაადასტურონ წილების გასხვისებასთან დაკავშირებით, ფულადი ანგარიშსწორების ფაქტი, რომელიც თავის დროზე განხორციელდა”, - განუცხადა ”ინტერპრესნიუსს” პაატა კიკვიძემ.

დღევანდელ პროცესზე მტკიცებულებების წარდგენას გეგმავს გია გაჩეჩილაძის ადვოკატი ირაკლი კორძახია. როგორც მან ”ინტერპრესნიუსს” განუცხადა, სასამართლოს მტკიცებულებების სახით წარედგინება მამუკა ღლონტის განცხადებები, რომელიც ”მაესტროდან” მის გასვლას და წილების გასხვისებას ეხება.

”თუ გავიდა 2 წლის წინ, ახლა ამ 10%-ზე რატომ იბრძვის ასე? აქედან გამომდინარე, მის გულწრფელობაში ეჭვის შეტანის საბაბი არსებობს”, - განაცხადა ირაკლი კორძახიამ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს