”მაესტროს” წილების საქმეზე სასამართლო გადაწყვეტილებას 18 აპრილს გამოიტანს

”მაესტროს” წილების საქმეზე სასამართლო გადაწყვეტილებას 18 აპრილს გამოიტანს. როგორც დღევანდელი სხდომის დასრულების შემდეგ ერთ-ერთმა მოსარჩელემ ტელეკომპანია „მაესტროს“ დამფუძნებელმა, მამუკა ღლონტმა განაცხადა, მას მოლოდინი აქვს, რომ მცირე ვადებში ისინი ყველა პროცესს წააგებენ, თუმცა ხანგრძლივ ვადებში მათ ყველაფრის მოგების იმედი აქვთ.

დღევანდელ პროცესზე როგორც მესარჩელე, ასევე მოპასუხე მხარეებმა საკუთარი არგუმენტები წარადგინეს, თუ რატომ უნდა მოხდეს, ან არ მოხდეს წილების გადაცემა ან გია გაჩეჩილაძისთვის საკუთრებაში დატოვება.

მოსამართლე ლაშა ქოჩიაშვილმა დღევანდელ პროცესზე ასევე არ დააკმაყოფილა როგორც მოსარჩელე მხარის, ასევე მოპასუხე მხარის შუამდგომლობები. დაცვის მხარის შუამდგომლობა ეხედება საქმეზე მოწმის სახით ბიძინა ივანიშვილის, ვანო ჩხარტიშვილისა და გია ხუხაშვილის დაკითხვას. მოპასუხე მხარე კი საქმეზე მტკიცებულების სახით მამუკა ღლონტის საჯარო განცხადებების დართვას ითხოვდა.

„მოლოდინი გვაქვს, რომ მცირე ვადებში აბსოლუტურად ყველაფერს წავაგებთ, მაგრამ ხანგრძლივ ვადებში მოვიგებთ აბსოლუტურად ყველაფერს იმიტომ, რომ ჩვენი ბრძოლა სამართლიანია. კიდევ ერთხელ განვმეორდები, რომ ჩვენ არ ვიბრძვით მხოლოდ ”მაესტროსთვის”. ჩვენ ვიბრძვით მთლიანად მედიისთვის და იმისთვის, რომ არანაირი მედიის შევიწროვება არ ხდებოდეს“, - განაცხადა პროცესის დასრულების შემდეგ მამუკა ღლონტმა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი