რომან გოცირიძე მამუკა ბახტაძეს - კი არ გადადექით, გადაგაყენეს

ფრაქცია „ნაციონალური მოძრაობის“ თავმჯდომარის, რომან გოცირიძის განცხადებით, სასაცილოა მამუკა ბახტაძის სიტყვები, როდესაც თქვა, რომ ის გადადგა. ამის შესახებ ჟურნალისტებს რომან გოცირიძემ მამუკა ბახტაძის მიერ პრემიერ-მინისტრის პოსტის დატოვების კომენტირებისას განუცხადა.

„თქვენ კი არ გადადექით, გადაგაყენეს. როგორც არავინ გეკითხებოდათ დანიშვნას, ისე არავინ გეკითხებათ გადაყენებას. აი ასე, თოჯინებივით დაატარებენ ადამიანებს აქეთ იქეთ“, - განუცხადა რომან გოცირიძემ.

გოცირიძის შეფასებით, ის, რაც ბოლო პერიოდში ხდება, სერიოზულ საფრთხეს უქმნის ქვეყნის სტაბილურობას და ბიძინა ივანიშვილის მიერ ძალაუფლების შენარჩუნებას უკავშირდება. მისივე თქმით, თუ პრემიერის პოსტს შს მინისტრი გიორგი გახარია დაიკავებს, ამას ხალხი „არ მოითმენს“.

„ის რეპრესიები რაც განხორციელდა, დაჭერები, „რუსთავი 2“-ის დახურვა, ხაზარაძის, ჯაფარიძისა და წერეთლის პოლიტიკური დევნა, ის რაც მომავალში მოხდება და აქ შემოიყვანენ ივანიშვილის მოსამსახურე ადამიანებს, რომლებსაც უზენაესი სასამართლოს მოსამართლეები დაერქმევათ, ყველაფერი ერთ მიზანს ემსახურება - ძალაუფლების შენარჩუნებას. რა თქმა უნდა, ამ მიზანს ემსახურება ფორმალური პრემიერ-მინისტრის, ბახტაძის გადაყენებაც.

თუ გამართლდა ის ჭორი და მართლაც გახარია დაინიშნა პრემიერ-მინისტრად, ეს იქნება პირდაპირი სიგნალი, რომ საქართველოს უკვე მართავს არა ადგილობრივი ხელისუფლება, არამედ რუსეთი. გავრილოვი დაგვასვეს პრემიერ-მინისტრად - აი ეს იქნება მთავარი შეტყობინება ხალხისათვის და ხალხი ამას არ მოითმენს. ამიტომ არის სახიფათო ყველა ის ნაბიჯი, რომელსაც ივანიშვილი ახლა დგამს“, - განაცხადა გოცირიძემ.

მისივე თქმით, ბიძინა ივანიშვილის არ ადარდებს ხალხი, ლარის ბედი, ქვეყნის განვითარება და არჩევნებამდე დარჩენილი მთელი პერიოდი, იქნება მხოლოდ ხელისუფლებაში დარჩენის მიზნისაკენ მიმართული.

შეგახსენებთ, რომ მამუკა ბახტაძემ პრემიერის პოსტი დატოვა. შესაბამისი განცხადება მან სოციალურ ქსელში გააკეთა.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე