სლოვაკეთის პრეზიდენტმა ზუზანა ჩაპუტოვამ საქართველოს პრეზიდენტს, სალომე ზურაბიშვილს, შატილისკენ მიმავალ გზაზე, დუშეთის მუნიციპალიტეტში მომხდარი ავტოსაგზაო შემთხვევის შედეგად მოქალაქეების დაღუპვის გამო სამძიმარი გამოუცხადა. ინფორმაციას სლოვაკეთის რესპუბლიკაში საქართველოს საელჩო ავრცელებს.

„მომხდარ ტრაგედიასთან დაკავშირებით პირადად ჩემი და სლოვაკი ხალხის სახელით სამძიმარს ვუცხადებ დაღუპულთა ოჯახებსა და ნათესავებს, დაშავებულებს ვუსურვებ გამოჯანმრთელებას“, - აღნიშნულია სლოვაკეთის პრეზიდენტის სამძიმრის წერილში.

შეგახსენებთ, შატილის გზაზე ავარიას 17 ადამიანი ემსხვერპლა, 3 კი მძიმე მდგომარეობაშია. ტურისტული კომპანია traveler.ge-ს კუთვნილი მიკროავტობუსი, რომელიც ხევსურეთში ერთდღიან ტურს ახორციელებდა, 80 მეტრის სიმაღლიდან გადავარდა.