სალომე სამადაშვილი - დასაკლავად განწირული გოჭის ჭყვიტინს მაგონებდა ირაკლი ღარიბაშვილის საუბარი - უკიდურესად განრისხებულია მისი პატრონი, ბატონი ბიძინა

პრემიერ-მინისტრის გამოსვლა არ ვიცი, მაგრამ დასაკლავად განწირული გოჭის ჭყვიტინს მაგონებდა ამ ადამიანის აქ საუბარი. უკიდურესად განრისხებულია მისი პატრონი, ბატონი ბიძინა, - ამის შესახებ „ლელოს“ დეპუტატმა, სალომე სამადაშვილმა პარლამენტის პლენარულ სხდომაზე განაცხადა, სადაც პრემიერ-მინისტრ ირაკლი ღარიბაშვილს უსმენენ.

როგორც სამადაშვილმა აღნიშნა, ივანიშვილის განრისხების მიზეზია ის, რომ ევროკავშირის მიერ გაცემულ რეკომენდაციებში პარტია „ქართული ოცნების“ დამფუძნებლის, ბიძინა ივანიშვილის სახელი აქამდე არ იყო, დასკვნაში დეოლიგარქიზაციის საკითხი კი გაჩნდა მას შემდეგ, რაც პრემიერ-მინისტრი, ირაკლი ღარიბაშვილი ბრიუსელიდან დაბრუნდა.

„პრემიერ-მინისტრის გამოსვლა არ ვიცი, მაგრამ დასაკლავად განწირული გოჭის ჭყვიტინს მაგონებდა ამ ადამიანის აქ საუბარი. უკიდურესად განრისხებულია მისი პატრონი, ბატონი ბიძინა. პრემიერს ვუთხარი, საზოგადოებისთვის გაეცნო იმ პრობლემების სია, რომელიც მას ევროკავშირში გადასცეს და უთხრეს, „თუ ეს არ მოგვარდება, საქართველო კანდიდატი ქვეყნის სტატუსს ვერ მიიღებს“. მან განაცხადა, რომ ეს არის სიცრუე და არანაირი სია მისთვის არ მიუციათ, ოღონდ ეს სია გამოაქვეყნა ევროკომისიამ და ხვალ ევროპული საბჭო დაამტკიცებს. ოღონდ აქ ერთი პრობლემაა, ამ სიაში ბიძინა ივანიშვილის სანქცირება და ის, რომ დემონტაჟი უნდა მოხდეს ქვეყანაში ოლიგარქიული რეჟიმის, არ იყო ამ ჩამონათვალში, ვიდრე ბატონი ღარიბაშვილი არ ჩავიდა ბრიუსელში. როგორც თქვენსავე არჩეულმა პრეზიდენტმა, ქალბატონმა ზურაბიშვილმა დაადასტურა, ისეთი მოახერხეთ ყველამ ერთად, რომ ახლა ბატონი ბიძინა არის თქვენზე განრისხებული. ამიტომ ჭყვიტინებთ, ამიტომ დადგით დღეს აქ სპექტაკლი და ამ ყველაფერს პასუხს გასცემს ქართველი ხალხი“, - განაცხადა სალომე სამადაშვილმა.