სალომე სამადაშვილი ლუკაშენკოს ოკუპირებულ აფხაზეთში ჩასვლაზე - უკვე უნდა იყოს გამოწვეული მინსკიდან ელჩი კონსულტაციებისთვის და ბელარუსს უკვე უნდა ჰქონდეს მიღებული დიპლომატიური ნოტა

ნაბიჯები რაც გადაიდგა, არაადეკვატურია - უკვე უნდა იყოს გამოწვეული მინსკიდან ელჩი კონსულტაციებისთვის და ბელარუსს უკვე უნდა ჰქონდეს მიღებული დიპლომატიური ნოტა, - ამის შესახებ ჟურნალისტებთან "ლელოს" დეპუტატმა სალომე სამადაშვილმა განაცხადა.

სამადაშვილის თქმით, ვლადიმერ პუტინი ბელარუსთან ერთად ემზადება იმისთვის, რომ ჩვენი ოკუპირებული ტერიტორიებით, ასევე იმ მიწებით, რომელსაც ფიქრობს, რომ წაგლეჯს უკრაინას, შექმნას ახალი გაერთიანება და ლუკაშენკოს "ვიზიტსაც" ამ ჭრილში უნდა განვიხილავდეთ.

მისი თქმით, საფრთხე, რომ ბელარუსი აღიარებს საქართველოს ოკუპირებული ტერიტორიების დამოუკიდებლობას, ხელშესახებია და საჭიროა დიპლომატიური ნოტით ხელისუფლებამ ბელარუსს მოსთხოვოს, რომ დაადასტუროს საქართველოს ტერიტორიული მთლიანობა და თუ ეს ასე არ მოხდება, ბელარუსის ელჩი ასევე უნდა იქნას ქვეყნიდან კონსულტაციებზე გაწვეული.

„ამასთან, ჩვენ უკვე უნდა გვქონდეს გაგზავნილი მოთხოვნები გაერო-ში, ეუთო-ში, ევროკავშირში, რომ დაბარებულ იქნას ბელარუსის ელჩები ამ ორგანიზაციებში და გაფრთხილებული, რომ მათი მხრიდან აღიარების მიმართულებით წინ გადადგმული ნაბიჯები გამოიწვევს სანქციების გამკაცრებას და გამოუსწორებელი დარტყმა მიადგება ბელარუსის ეკონომიკას. ვითარება აქამდე იმიტომ მივიდა, რომ 10 წელია გვყავს ხელისუფლება, რომელიც ატყუებს ხალხს, რომ თითქოს შეძლო ურთიერთობების დარეგულირება რუსეთთან, რეალური შედეგს კი დღესაც ვხედავთ, ამავე დროს ჩიხში შეიყვანა ევროატლანტიკური მომავალი,"- განაცხადა სამადაშვილმა.

ავთანდილ წულაძე - მიუნხენის კონფერენციის ფონზე საქართველო და სომხეთი ძალიან რთულ ვითარებაში არიან, რადგან ვაშინგტონის ინტერესი ჩვენი რეგიონის მიმართ ჯერ არ ჩანს
ქართული პრესის მიმოხილვა 17.02.2025
კახა ოქრიაშვილი - თუ ამ ბრძოლაში უკრაინამ ვერ გაიმარჯვა, ეს ამერიკის მარცხი იქნება!
ჰეპატოლოგი - როგორ უნდა მოიქცეთ, თუ მეტაბოლურ დისფუნქციასთან ასოცირებული ღვიძლის ცხიმოვანი დაავადება გაქვთ
„პროკრედიტ ბანკში“ ქალი მეწარმეების დაფინანსების პროგრამა დაიწყო
ევროპის ზამთრის ახალგაზრდულ ოლიმპიურ ფესტივალზე გოგონათა და ვაჟთა შორის საუკეთესო სპორტსმენებს, ნოდარ ქუმარიტაშვილის სახელობის ჯილდო გადაეცემა
არქიმ პირველი ბრენდული სასტუმრო ibis Tbilisi City გახსნა
ყაზახურ-ქართული ეკონომიკური გაერთიანების დამფუძნებელმა წევრებმა 2025 წლის გეგმები და პრიორიტეტული პროექტები განიხილეს