რომან გოცირიძე უმრავლესობას - თქვენ მართლა რევოლუციას თუ ელით, გგონიათ, კარავია თქვენი დამხობის განმსაზღვრელი?

თქვენ მართლა რევოლუციას თუ ელით, გგონიათ, რომ კარავი არის თქვენი დამხობის განმსაზღვრელი?,- ასე მიმართა „ევროოპტიმისტების" დეპუტატმა, რომან გოცირიძემ მმართველი გუნდის წევრებს ბიუროს სხდომაზე, სადაც შეკრებისა და მანიფესტაციების დროს დროებითი კონსტრუქციების მოწყობასთან დაკავშირებით კანონის გამკაცრებასა და ახალი ამკრძალავი ნორმების ამოქმედების ინიციატივასთან დაკავშირებული კანონპროექტი დაიინიცირდა.

გოცირიძემ მოუწოდა მმართველი გუნდის წევრებს, კანონპროექტი 12 დეკემბრის შემდეგ განიხილონ.

„გინდათ, ეს კანონი? - განვიხილოთ ეს კანონი 12 დეკემბრის შემდეგ. 12 დეკემბრამდე წყდება საქართველოს ისტორიული ბედი. ოქტომბერში იქნება განხილვა, პირველი შეფასება და შემდეგ უკვე მიღებული იქნება გადაწყვეტილება. აქ წერია, რომ თუ კარავს დადგამ, ჯარიმდები 5 ათას ლარამდე, ან გაპატიმრებენ 15 დღით. თქვენ მართლა რევოლუციას თუ ელით, გგონიათ, რომ კარავი არის თქვენი დამხობის განმსაზღვრელი?, - განაცხადა გოცირიძემ.

აღნიშნული განცხადების საპასუხოდ, საქართველოს პარლამენტის თავმჯდომარემ, შალვა პაპუაშვილმა, რომან გოცირიძემ შემდეგი სიტყვებით მიმართა:

„ჩვენ ისიც არ გვეგონა, კონტეინერები გამოიყენება რევოლუციებისთვის, მაგრამ, ფაქტის წინაშე დავდექით, რომ კონტეინერებით აწყობდნენ რევოლუციას“.

ამასთან, გოცირიძემ მმართველ გუნდს შეახსენა, რომ რკინის საკნები რუსთაველის გამზირზე 3 თვე იდგა.

„თქვენ თუ კარვების გეშინიათ, თქვენი სიმბოლოა, თქვენ ხელისუფლებაში რით მოხვედით? რკინის საკნები რუსთაველის გამზირზე 3 თვე იდგა, რკინის საკნებსაც ეხება, თუ ნაჭრის კარვებს?, -აღნიშნა გოცირიძემ.

შეგახსენებთ, რომ მმართველი გუნდი შეკრებისა და მანიფესტაციების დროს დროებითი კონსტრუქციების მოწყობასთან დაკავშირებით კანონის გამკაცრებასა და ახალი ამკრძალავი ნორმების ამოქმედებას გეგმავს.

„ქართული ოცნების“ დეპუტატების ინიციატივით განსახილველად მზად არის „შეკრებებისა და მანიფესტაციების" შესახებ კანონში ცვლილებები, რომლის გათვალისწინებით, შეკრებისა და მანიფესტაციის მონაწილეებს დროებითი კონსტრუქციების მოწყობა ეკრძალებათ თუ მისი მოწყობა: საფრთხეს უქმნის შეკრების ან მანიფესტაციის მონაწილეებს ან სხვა პირებს; ხელს უშლის პოლიციის მიერ საზოგადოებრივი წესრიგისა და უსაფრთხოების დაცვას; იწვევს საწარმოს, დაწესებულების ან ორგანიზაციის ნორმალური ფუნქციონირების შეფერხებას; შეკრების ან მანიფესტაციის ჩატარებას არ უკავშირდება. ამასთან, კანონის პროექტის მიხედვით, „საჯარო სივრცის იერსახის დამახინჯების თავიდან აცილების მიზნით“, შეკრების ან მანიფესტაციის მონაწილეებს დროებითი კონსტრუქციის მოწყობა იმ შემთხვევაშიც ეკრძალებათ, თუ მისი მოწყობის გარეშე შეკრების ან მანიფესტაციის ჩატარება არსებითად არ ფერხდება.

პეტრას აუსტრევიჩუსი - გზა, რომელსაც „ქართული ოცნება“ ადგას, აბსოლუტურად რუსული, აღმოსავლური გზაა
ქართული პრესის მიმოხილვა 06.02.2025
გიორგი ანთაძე - მინიმალური დემოკრატიული სტანდარტებიც კი საფრთხეშია
კახა ოქრიაშვილი „ოცნებას“ - თქვენს კოლექტიურ შიზოფრენიას უნდა გადააყოლოთ ქვეყანა? - შემოდგომაზე არჩევნები გარდაუვალია!
GM PHARMA-ში ახალი მედიკამენტების კვლევა-განვითარება აქტიურად გრძელდება
თბილისის საერთაშორისო სტანდარტის ყინულის არენაზე, "ბაკურიანი 2025"-ის ფარგლებში, ყინულის ჰოკეიში მოასპარეზე გოგონათა გუნდების ოფიციალური ვარჯიში გაიმართა
„სილქნეტმა” „დაჭრილ მებრძოლთა თანადგომის ფონდის“ 2024 წლის საქმიანობის ანგარიში წარადგინა
„ბიბლუსში“ თიბისის ხანგრძლივი ქეშბექ კამპანია დაიწყო - 20%-იანი ქეშბექი თიბისის მოსწავლის ბარათის ან ახალი თიბისი ბარათის მქონე სტუდენტებისთვის „ბიბლუსის“ სრულ ასორტიმენტზე
ევროპის ოლიმპიური კომიტეტების პრეზიდენტი თბილისის საერთაშორისო სტანდარტების ყინულის არენაზე, "ბაკურიანი 2025"-ის ფარგლებში მიმდინარე შეჯიბრებას დაესწრო