რომან გოცირიძე უმრავლესობას - 172 კანონპროექტი წარმოადგინა ოპოზიციამ და აქედან 157 არის გაჩერებული, ყველა კანონპროექტი, რომელიც ეხება რუსეთს, არის გაჭედილი - ნუ იყენებთ ანრი ოხანაშვილს შავი საქმეების გამკეთებლად

172 კანონპროექტი წარმოადგინა ოპოზიციამ და აქედან 157 არის გაჩერებული - ყველა კანონპროექტი, რომელიც ეხება რუსეთს, არის გაჭედილი, - ამის შესახებ “ევროოპტიმისტების” თავმჯდომარე რომან გოცირიძემ პარლამენტში ბიუროს სხდომაზე განაცხადა.

მისივე თქმით, ოპოზიციის კანონპროექტების განხილვა პარლამენტმა სასწრაფოდ უნდა დაიწყოს.

“ორიოდე დღის წინ აღმოვაჩინე, რომ ჩვენი კანონპროექტი, თურმე, რომელიც სამი თვით იყო გადავადებული, კვლავ ორი თვით გადავადებულა. ჩვენ შემოვიტანეთ რეზოლუციის პროექტი იმის თაობაზე, თუ როგორ არღვევს კონსტიტუციას პარლამენტი და საპროცედურო ხრიკებით როგორ ბლოკავს ოპოზიციის კანონპროექტებს. ეს რეზოლუცია სასწრაფოდ უნდა გავიდეს და ნუ შეაფერხებთ! 172 კანონპროექტი წარმოადგინა ოპოზიციამ და აქედან 157 არის გაჩერებული. ბოლო პერიოდში, რაღაც კანონპროექტები გავიდა, მაგრამ ამის ანალიზიც გავაკეთეთ. რომელი კანონპროექტების განხილვა დაიწყო და რომლის არა. ყველა კანონპროექტი, რომელიც ეხება რუსეთს, არის გაჭედილი. ჩვენმა მოქალაქეებმა უნდა იცოდნენ, რომ ამ შავი საქმის მკეთებელი არის ანრი ოხანაშვილი. 32 კანონპროექტი აქვს გაჭედილი იურიდიულ კომიტეტზე. თურმე, 30-ში, როცა ჩვენ მივლინებაში ვიყავით ჰოლანდიაში, აღმოჩნდა, რომ ბიუროზე კანონპროექტი, რომელიც ეხებოდა რუსეთის მოქალაქეებისთვის უძრავი ქონების შეძენისთვის მორატორიუმის გამოცხადებას 2 წლით, კიდევ ორი თვით გადაგივადებიათ. ჩვენმა მოქალაქეებმა უნდა იცოდნენ, კანონპროექტი როცა „ევროოპტიმისტებმა“ დავარეგისტრირეთ, მხოლოდ 8 ათასი ბინა ჰქონდათ ნაყიდი, დღეს უკვე არის 13 ათასი. ზღვის სანაპიროებზე კი არ ყიდულობენ, სოფლებსაც მოედნენ. რუსეთის მოქალაქეებმა 24 ათასი იურიდიული პირი შექმნეს. 12 ათასი ბინა იყიდეს. 12 ათას ბინაში ორი ადამიანი რომ ჩასახლდეს, ეს არის 24 ათასი, ხაშურზე დიდი ქალაქია ეს. ასევე, მეორე კანონპროექტი გადაგივადებიათ, რომელიც რუსეთის მოქალაქეებისთვის საინვესტიციო ბინადრობის უფლების შეზღუდვას ეხებოდა. ეს არის ევროკავშირის ყველა ქვეყანაში, ბოლოს იტალიამ გააკეთა და სიტყვა-სიტყვით გადმოვწერეთ ეს კანონპროექტი. რატომ არ იხილავთ, ხომ არ გეუბნებით რომ მიიღეთ? იმიტომ არ იხილავთ, რომ არ გინდათ მოქალაქეებმა გაიგონ. შეწყვიტეთ კონსტიტუციის დარღვევა! რეზოლუცია სასწრაფოდ უნდა გამოიტანოთ. ნუ იყენებთ ანრი ოხანაშვილს შავი საქმეების მკეთებლად!“, - განაცხადა გოცირიძემ.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
იოსებ მურმანიშვილი - ოსტეოართრიტის სამკურნალოდ კლინიკა „ნიუმედი“ პაციენტებს ინექციური მკურნალობის მეთოდს სთავაზობს, რაც მნიშვნელოვნად აუმჯობესებს სახსრების ფუნქციას და შესაბამისად ზრდის პაციენტის ცხოვრების ხარისხს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ევროკავშირი პროგრამა „განათლება დასაქმებისთვის” ფარგლებში მნიშვნელოვან შედეგებს აქვეყნებს
TNET-ის რეგისტრაციის ოფისი უძრავი და მოძრავი ქონების გაფორმებისა და რეგისტრაციისთვის თბილისში
.ge დომენი წელიწადი 1 ლარად - Domenebi.ge-ს მომხმარებლებს დომენების 2 წლით შეძენა 51 ლარად შეუძლიათ
გაზრდილი სიჩქარე, უცვლელი ფასი