გიგი უგულავა - ხელისუფლება თუ უკან არ დაიხევს, რამდენ ძალადობასაც ჩაიდენს, მით უფრო ფატალური იქნება მისი ბოლო

ხელისუფლება თუ უკან არ დაიხევს - რამდენ ძალადობასაც ჩაიდენს, მით უფრო ფატალური იქნება მისი ბოლო. ჩვენ შეიძლება ივანიშვილი კატასტროფას გვიმზადებს, მაგრამ ამ კატასტროფას ჩვენ გავივლით და ქვეყანა კათარზისით დაასრულებს, - ამის შესახებ "ინტერპრესნიუსს" პოლიტიკოსმა გიგი უგულავამ განაცხადა.

უგულავას თქმით, საქართველო გახდება ევროკავშირის წევრი ქვეყანა „მაგრამ ეს იქნება ბიძინა ივანიშვილის გარეშე.“

„ჩემი აზრით, ობრაიენის ჩამოსვლა იქნება ბოლო გაფრთხილება პირადად ბიძინა ივანიშვილისთვის, მაგრამ როგორც ვხედავთ, ხელისუფლება გაჩერებას არ აპირებს. მალვით, „კატაკომბებით“ ბუნკერად აქციეს ეს შენობა [პარლამენტი]. თუ ასე მიიღეს [კანონი], ამას არანაირი აზრი არ ექნება. ესე რომც მოხდეს, მნიშვნელოვანი იყო სალომე ზურაბიშვილის პოზიცია დღეს. იმიტომ, რომ მან თაღლითობა უწოდა და ეს მანიპულაცია გამორიცხა - ის არ მიიღებს მაგაში მონაწილეობას, რაც ძალიან მკაფიო იყო და შესაქები საქციელია. ამიტომ ხელისუფლება თუ უკან არ დაიხევს, რამდენ ძალადობასაც ჩაიდენს, მით უფრო ფატალური იქნება მისი ბოლო. ჩვენ შეიძლება ივანიშვილი კატასტროფას გვიმზადებს, მაგრამ ამ კატასტროფას ჩვენ გავივლით და ქვეყანა კათარზისით დაასრულებს. ჩვენ გავხდებით ევროკავშირის წევრი, მაგრამ ეს ივანიშვილის გარეშე იქნება. ივანიშვილთან ერთად ჩვენ მომავალი არ გვაქვს“, - აღნიშნა გიგი უგულავამ.

ირაკლი მელაშვილი - კანონის მიღებით ხელისუფლებამ საბედისწერო შეცდომა დაუშვა
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
კახა ოქრიაშვილი - ვერცერთი ქართული ოჯახი ვერ იქნება ბედნიერი, თუ ჩვენი დიდი ოჯახი, საქართველო ძლიერი და ბედნიერი არ იქნება