PACE-ს პრეზიდენტი შალვა პაპუაშვილს - ამ ორგანიზაციას შეუძლია გააკრიტიკოს თავისი წევრი ქვეყნები, როდესაც თვლის, რომ მის პრინციპებს საფრთხე ემუქრება

თქვენ გამოიყენეთ ორი სიტყვა - სტიგმატიზაცია და კრიტიკა. ნუ ავურევთ: ჩვენ არ ვახდენთ სტიგმატირებას, ჩვენ ვაკრიტიკებთ, - ასე უპასუხა ევროპის საბჭოს საპარლამენტო ასამბლეის (PACE) პრეზიდენტმა თეოდოროს რუსოპულოსმა ევროპის საბჭოს საპარლამენტო ასამბლეის მუდმივმოქმედი კომიტეტის სხდომაზე საქართველოს პარლამენტის თავმჯდომარეს, შალვა პაპუაშვილს, რომელმაც განაცხადა, რომ საერთაშორისო და გარე აქტორების „უცხოური გავლენის გამჭვირვალობის შესახებ“ კანონის სტიგმატიზებას ახდენენ.

„ყველამ ვიცით, რომ ამ ორგანიზაციას, რომელიც წელს 75 წლის იუბილეს აღნიშნავს, შეუძლია გააკრიტიკოს თავისი წევრი ქვეყნები, როდესაც ასამბლეა თვლის, რომ ჩვენ პრინციპებს საფრთხე ემუქრება“, - აღნიშნა თეოდოროს რუსოპულოსმა.

ევროპის საბჭოს საპარლამენტო ასამბლეის მუდმივმოქმედი კომიტეტის სხდომაზე საქართველოს პარლამენტის თავმჯდომარემ, შალვა პაპუაშვილმა განაცხადა, რომ საერთაშორისო და გარე აქტორების „უცხოური გავლენის გამჭვირვალობის შესახებ“ კანონის სტიგმატიზებას ახდენენ.

„ის, რაც იწვევს ჩვენს იმედგაცრუებას, არის ამ კანონის სტიგმატიზაცია საერთაშორისო და გარე აქტორების მიერ. კანონს თავიდანვე ეწოდა რუსული. „რუსული კანონმდებლობა“ არის დისკრედიტაციის გამომწვევი პოლიტიკური მეტაფორა, რათა მოხდეს კანონმდებლობის სტიგმატიზაცია და საზოგადოების აღშფოთება“, - განაცხადა პაპუაშვილმა.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი