თეონა აქუბარდია - პრემიერის ტყუილების და ანტიდასავლური დეზინფორმაციის მოსასმენად არამხოლოდ ოპოზიცია, ევროკავშირის ელჩებიც არ არიან - ევროკავშირისთვის კობახიძე და ივანიშვილი „პერსონა ნონ გრატა“ გახდნენ

პრემიერის ტყუილების და ანტიდასავლური დეზინფორმაციის მოსასმენად აქ არამხოლოდ ოპოზიცია არ გახლავთ, არამედ ევროკავშირის ელჩები, რაც კიდევ ერთი ნიშანია, რომ კონკრეტულად ირაკლი კობახიძე და მისი მთავარი პატრონი, ბიძინა ივანიშვილი აბსოლუტურად მიუღებელი და „პერსონა ნონ გრატა“ გახდნენ ევროკავშირისთვის, -ამის შესახებ ოპოზიციონერმა დეპუტატმა, თეონა აქუბარდიამ ჟურნალისტებთან განაცხადა.

მისი თქმით, პრემიერ-მინისტრის ანგარიშის მოსმენას საქართველოს პარლამენტში ევროკავშირის მხოლოდ ერთი - უნგრეთის ელჩი ესწრება.

როგორც აქუბარდიამ აღნიშნა, ეს დემარში კიდევ ერთხელ არის მაჩვენებელი იმისა, რომ დასავლეთი და ევროკავშირი ქართველი ხალხის მისწრაფებას ამ ფორმითაც მხარს უჭერს

„ქართული ოცნება“ და ირაკლი კობახიძე, როგორც ივანიშვილის პრემიერი, მისი ავტორიტარული ქმედებების გამო იმდენად მიუღებელია არამხოლოდ ოპოზიციისთვის, არამედ ევროკავშირის ელჩებისთვის, რომ პრემიერის ანგარიშს დემარშის სახით ევროკავშირის ელჩებიდან მხოლოდ ერთი - უნგრეთის ელჩი ესწრება. ეს პროტოკოლით გათვალისწინებულია, როგორც სავალდებულო ელჩებისთვის, თუმცა ეს კიდევ ერთხელ გამოხატავს იმ მიუღებლობას „ქართული ოცნებისადმი“, რომელიც ამ ქვეყნის ევროპული მომავალი თავისი ავტოკრატიული ქმედებების გამო მინიმუმ ოქტომბრამდე გაყინა. შესაბამისად, პრემიერის ტყუილების და ანტიდასავლური დეზინფორმაციის მოსასმენად აქ არამხოლოდ ოპოზიცია არ გახლავთ, არამედ ევროკავშირის ელჩები, რაც კიდევ ერთი ნიშანია, რომ კონკრეტულად ირაკლი კობახიძე და მისი მთავარი პატრონი, ბიძინა ივანიშვილი აბსოლუტურად მიუღებელი და „პერსონა ნონ გრატა“ გახდნენ ევროკავშირისთვის. ეს დემარში კიდევ ერთხელ იმისი მაჩვენებელია რომ დასავლეთი და ევროკავშირი ქართველი ხალხის მისწრაფებას, გახდეს ევროკავშირის წევრი, ამ ფორმითაც მხარს უჭერს“, - აღნიშნა თეონა აქუბარდიამ.

დეპუტატის თქმით, საქართველოს ისტორიაში, პრემიერის ანგარიშზე ელჩების დემარშის შემთხვევა არ ყოფილა.

ცნობისთვის, საქართველოს პრემიერ-მინისტრი, ირაკლი კობახიძე სამთავრობო პროგრამის შესრულების მიმდინარეობის შესახებ პარლამენტის წინაშე მოხსენებით დღეს, 28 ივნისს, საგაზაფხულო სესიის ბოლო პლენარულ სხდომაზე წარდგა.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო