პარლამენტის თავმჯდომარე შალვა პაპუაშვილი „ქართული ოცნების“ საწინააღმდეგო ბანერს ეხმაურება, რომელზეც გაკეთებულია წარწერა: „ქოცი=რუსს“.

როგორც პაპუაშვილი სოციალურ ქსელში წერს, ყველამ უნდა დავხედოთ ამ ფოტოს, რათა ყველა დავფიქრდეთ, „თუ რას დაამსგავსეს საკუთარი თავები“.

„ევროკავშირის მიერ დაფინანსებული ე.წ. მედია ქართველების უმრავლესობას მტრად აცხადებს. საინტერესოა, რა პოზიცია აქვს ამაზე ევროკავშირის საელჩოს.

ყველამ უნდა დავხედოთ ამ ფოტოს. ყველა დავფიქრდეთ იმაზე, თუ რას დაამსგავსეს საკუთარი თავები.

მშვიდობას ომი ამჯობინეს, ევროპის სახელით და დროშით კი ტერორს უდგანან სათავეში.

მტრად გამოაცხადებენ კი არა, ყველას სათითაოდ გაჟუჟავენ, ამათ რომ ხელისუფლება ჩაუვარდეთ ხელში.

ყველა უნდა მივიდეთ არჩევნებზე და ამ სამარცხვინო სექტას გავცეთ გადამწყვეტი პასუხი“, - წერს პარლამენტის თავმჯდომარე, რომელიც აღნიშნული ბანერის ფოტოს აზიარებს და უთითებს, რომ ეს არის „ლიბერალური ფაშიზმი“.