რუსმა ოლიგარქმა, საქართველოში შექმნა რუსული კორუფციული მმართველობის სტილი, კორუფციული პირამიდა, სადაც სახელმწიფო რესურსები, წიაღისეული, ყველა ის სიმდიდრე, რაც გააჩნია ქვეყანას და სახელმწიფოს და ეკუთვნის ხალხს, გადანაწილებულია მხოლოდ მის ვიწრო კლანზე, - ასე შეაფასა "ერთიანობა - ნაციონალური მოძრაობის" ანტიკორუფციული მიმართულების მდივანმა ვასო ურუშაძემ „საერთაშორისო გამჭვირვალობა - საქართველოს“ მიერ გამოქვეყნებული კორუფციის რუკის განახლებული ვერსია, სადაც ორგანიზაციის განცხადებით, დატანილია თანამდებობის პირებთან და ბიძინა ივანიშვილთან დაკავშირებული ის კომპანიები, რომლებმაც 2013 წლიდან დღემდე ჯამურად 3 მილიარდ 280 მილიონ ლარზე მეტი მსხვილი კონტრაქტები მიიღეს სახელმწიფო შემსყიდველებისგან საქართველოს სხვადასხვა რეგიონში.

ვასო ურუშაძის თქმით, მოდელი, რომელიც ივანიშვილმა რუსეთიდან გადმოიღო, არ ემსახურება ქვეყნისა და ხალხის ინტერესებს.

“ეს არის რუსული მმართველობის ნათელი მაგალითი, ბიძინა ივანიშვილმა, რუსმა ოლიგარქმა, საქართველოში შექმნა რუსული კორუფციული მმართველობის სტილი, კორუფციული პირამიდა, სადაც სახელმწიფო რესურსები, წიაღისეული, ყველა ის სიმდიდრე, რაც გააჩნია ქვეყანას და სახელმწიფოს და ეკუთვნის ხალხს, გადანაწილებულია მხოლოდ მის ვიწრო კლანზე, ესენი არიან ადამიანები, რომლებიც წარმოადგენენ სხვადასხვა რეგიონში ოლიგარქიულ კლანს, არიან მმართველი პარტიის შემომწირველები, მილიარდობით ლარს იღებდნენ სახელმწიფო ბიუჯეტიდან ამ 12 წლის განმავლობაში და ასევე, მიტაცებული აქვთ სახელმწიფო სიმდიდრეები.

ამ დროს კი საქართველოს მოქალაქეები ღარიბდებიან, მათი დიდი ნაწილი გარბის ქვეყნიდან ღირსეული დასაქმების საძიებლად. ეს მოდელი, რომელიც ივანიშვილმა რუსეთიდან გადმოიღო, არ ემსახურება ქვეყნის, ხალხის ინტერესებს და აუცილებლად უნდა დასრულდეს 26 ოქტომბერს”, - განაცხადა ვასო ურუშაძემ.