„ნაციონალური მოძრაობის“ წევრები შეკვეთილში, ბიძინა ივანიშვილის სახლთან აქცია-პერფორმანსს მართავენ - მათ ადგილზე სათამაშო ზებრა და ზვიგენი მიიტანეს
„ქართული ოცნების“ საპატიო თავმჯდომარის ბიძინა ივანიშვილის შეკვეთილის რეზიდენციასთან აქცია მიმდინარეობს.
„ნაციონალური მოძრაობის“ წევრებმა ადგილზე სიმბოლურად სათამაშო ზებრა და ზვიგენი მიიტანეს.
ამის შესახებ ინფორმაციას „ნაციონალური მოძრაობა“ ავრცელებს.
„ივანიშვილის მმართველობის დღეები დათვლილია. 4 ოქტომბერს შეუძლია ქვეყანაში გარდამტეხი ცვლილებების მოტანა“, - აცხადებენ „ნაციონალური მოძრაობის“ წევრები.
ამასთან, „ნაციონალური მოძრაობის“ წევრები დენდროლოგიურ პარკში დაანონსებული აქციისთვის ხალხს მოსაწვევს ურიგებენ.
