ვფიქრობ, რომ მოქალაქეებისთვის მკაფიო და ნათელი სურათი იქნება, თუ ვის უნდა ამ საქმის რეალური გამოძიება და ვის უნდა ფაქტების მიჩქმალვა. ფაქტების მიჩქმალვა უნდა მხოლოდ „ქართულ ოცნებას“ - ოპოზიციის მხარეს რამე სახის გადაულახავი წინააღმდეგობა არ არსებობს არცერთ პარტიასთან, არცერთ პოლიტიკურ ჯგუფთან, - ამის შესახებ „სტრატეგია აღმაშენებლის“ ერთ-ერთმა ლიდერმა, სერგო ჩიხლაძემ განაცხადა, რითაც ის შოვის ტრაგედიასთან დაკავშირებით პარლამენტში დროებითი საგამოძიებო კომისიის შექმნის საკითხს გამოეხმაურა.

მისივე თქმით, „სტრატეგია აღმაშენებელი“ შოვის ტრაგედიასთან დაკავშირებით პარლამენტში დროებითი საგამოძიებო კომისიის შექმნის საკითხს მხარს უჭერს.

„ვფიქრობ, რომ მოქალაქეებისთვის მკაფიო და ნათელი სურათი იქნება, თუ ვის უნდა ამ საქმის რეალური გამოძიება და ვის უნდა ფაქტების მიჩქმალვა. ფაქტების მიჩქმალვა უნდა მხოლოდ „ქართულ ოცნებას“, დღეს ბიუროზე ეს საკითხი გადის და ვფიქრობ, ხვალ სესიაზე ძალიან მკაფიო გამონათქვამები და სიგნალები ოპოზიციის მხრიდან იქნება. ვფიქრობ, რომ ოპოზიციის მხარეს რამე სახის გადაულახავი წინააღმდეგობა არ არსებობს არცერთ პარტიასთან, არცერთ პოლიტიკურ ჯგუფთან. პრინციპული წინააღმდეგობა არცერთ ოპოზიციურ პარტიას არ გააჩნია, შეიძლება იყოს განსხვავება თარიღებზე, როდის ჯობია ტექნიკურად გავიდეს ეს საკითხი და ასე შემდეგ, მაგრამ პრინციპულად ამ საკითხთან მიმართებით წინააღმდეგობა არ არსებობს.

დღეს 15:00 საათზე არის ბიურო, სადაც გადის ეს საკითხი და შესაბამისად, ეს საკითხი შევა უკვე მიმდინარე კვირის სესიის დღის წესრიგში. რა თქმა უნდა, მხარს ვუჭერთ, იმიტომ, რომ ეს არის ერთადერთი მიუკერძოებელი მექანიზმი და პლატფორმა, რომელსაც შეუძლია სრულად გამოიძიოს, ეს საკითხი. ყველა სამინისტროს, ყველა ჩართულ სტრუქტურას, ყველა პოლიტიკოსს და ყველა სამთავრობო სფეროს წარმომადგენელს დაუსვას კითხვები და მოკვლევა ჩაატაროს. ამას ექნება მეტი ნდობა, ვიდრე შოთაძის პროკურატურის მიერ ჩატარებულ მოკვლევას ან გომელაურის მიერ ჩატარებულ მოკვლევას“, - განაცხადა სერგო ჩიხლაძემ.