შავი ზღვის საერთაშორისო უნივერსიტეტი აშშ-დან დელეგაციას მასპინძლობს

შავი ზღვის საერთაშორისო უნივერსიტეტი ამერიკის შეერთებული შტატებიდან დელეგაციას მასპინძლობს. როგორც „ინტერპრესნიუსს“ შავი ზღვის საერთაშორისო უნივერსიტეტიდან აცნობეს, სამკაციანი გუნდი საქართველოში 21 სექტემბრის ჩათვლით დარჩება და IBSU-ს თემაზე სხვადასხვა დონეზე გამართავს შეხვედრებს, მათ შორის: უნივერსიტეტის ადმინისტრაციის, არასამთავრობო ორგანიზაციების, განათლების ექსპერტების თუ საკანონმდებლო ორგანოს წარმომადგენლებთან.

მათი ინფორმაციით, დელეგაციის წევრები იმ კომისიის წევრები არიან, რომლებიც სხვადასხვა ქვეყანაში განათლების საკითხებთან დაკავშირებით პრობლემურ საკითხებს სწავლობენ და შემდგომ ამერიკის დიპლომატიური წრეებისთვის ამზადებს ანგარიშს.

როგორც ტომ ტეილორმა აღნიშნა, პრობლემების გამოკვლევის შემდგომ, ამ საქმის მასალებს დელეგაცია დიპლომატებს გააცნობს. მისივე თქმით, მათი მიზანი გაერო-ს სხდომაზე მსგავსი პრობლემების წინ წამოწევა და მსჯელობაა.

„ტომ ტეილორი წარმოადგენს ჯორჯიის ოლქს, რომელიც მოიცავს ქალაქ დანვუდს სრულად, ჩამბლის ნაწილს და ჩრდილოეთ დეკალბის მუნიციპალიტეტის დორავილის ნაწილს. ის არჩეულ იქნა წარმომადგენელთა პალატაში 2010 წელს. ამჟამად არის MARTOC-ის კომიტეტის თავმჯდომარე. ასევე არის “ეკონომიკური განვითარებისა და ტურიზმის“, სამთავრობო საკითხთა, რეგულირებულ ინდუსტრიათა კომიტეტების და ადამიანური რესურსების ქვეკომიტეტის წევრი. ხსენებული მუდმივმოქმედი კომიტეტების გარდა, იგი ასევე არის MARTA-ს ეთიკის საბჭოს ერთადერთი სამართლებრივი წარმომადგენელი,“ - ნათქვამია უნივერსიტეტის ინფორმაციაში.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!